Монгол Улсын Гадаад хэргийн сайд Л.Пүрэвсүрэн Евразийн эдийн засгийн комиссын зөвлөлийн гишүүн Т.Д.Валовая тэргүүтэй төлөөлөгчдийг өнөөдөр Гадаад хэргийн яаманд хүлээн авч уулзлаа. Уулзалтад Оросын Холбооны Улс, Бүгд Найрамдах Беларусь Улс, Бүгд Найрамдах Казахстан Улсаас Монгол Улсад суугаа Элчин сайд нар болон албаны бусад төлөөлөгчид оролцсон байна.
Уулзалтын үеэр Монгол Улсын Засгийн газар, Евразийн эдийн засгийн комиссын хооронд хамтын ажиллагааны Санамж бичиг байгуулахаар тохиролцов. Түүнчлэн,Монгол Улс, Евразийн эдийн засгийн комиссын гишүүн орнууд хоорондын худалдаа, эдийн засгийн хамтын ажиллагааг өргөжүүлэн хөгжүүлэх асуудлыг хэлэлцэх механизм байгуулж, гадаад худалдааны эргэлтийг нэмэгдүүлэх таатай орчин бүрдүүлэх, гаалийн бүрдүүлэлтийг хөнгөвчлөх зэрэг асуудлыг хамтран судлахад бэлэн байгаагаа талууд илэрхийллээ.
О.СҮРЭН
0 сэтгэгдэл:
Post a Comment