МИАТ-ийн асуудлыг хэлэлцэнэ

Засгийн газрын ээлжит хуралдаан өнөөдөр 16.00 цагт товлогджээ. Түүгээр нийт 17 асуудал хэлэлцэн шийдвэрлэх бол есөн асуудалтай танилцах юм байна.

Хэлэлцэх асуудалд Татварын тухай хуулийн төслүүд багтаж байна. УИХ-ын нэр бүхий гишүүд татварын хувь хэмжээг бууруулахтай холбоотойгоор өмнө нь хуулийн төслүүд өргөн мэдүүлж байсан ч УИХ-ын даргын зүгээс энэ асуудлыг Засгийн газар цогцоор нь оруулж ирэх ёстой. Татварын асуудлыг хэсэгчилж хэлэлцсэнээр бүрэн шинэчлэл болохгүй гэж мэдэгддэг байв. Энэ дагуу Засгийн газар өнөөдрийн хуралдаанаараа Нэмэгдсэн өртгийн албан татварын тухай хуулийн шинэчилсэн найруулгын төсөлд нэмэлт оруулах тухай, Татварын ерөнхий хуульд нэмэлт өөрчлөлт оруулах тухай, Ашигт малтмалын тухай хуульд өөрчлөлт оруулах тухай болон Аж ахуйн орлогын албан татварын тухай хуульд нэмэлт оруулах тухай хуулийн төслүүдийг хэлэлцэх ажээ. Татвартай холбоотой асуудлыг Сангийн сайд Ж.Эрдэнэбат хэлэлцүүлэх юм байна.

Мөн МИАТ компанийн талаар авах зарим арга хэмжээний тухай, Иргэний нисэхийн ерөнхий газрын бүтцийн тухай зэрэг хэд, хэдэн анхаарал татах асуудал багтжээ. Түүнчлэн нууц асуудлыг Засгийн газрын хэрэг эрхлэх газрын дарга С.Баярцогт энэ өдрийн хуралдаанд оруулж хэлэлцэхээр төлөвлөсөн байна.

Засгийн газрын хуралдаанаар хэлэлцэх асуудлын дарааллыг дараах хүснэгтээс тодруулж харна уу.

№	Хэлэлцэх асуудал	Засгийн газрын гишүүн
1.	Хөрөнгө гаргах тухай	Д.ОЮУНХОРОЛ
2.	Нэмэгдсэн өртгийн албан татварын тухай хуулийн шинэчилсэн найруулгын төсөлд нэмэлт оруулах тухай	Ж.ЭРДЭНЭБАТ
3.	Татварын ерөнхий хуульд нэмэлт, өөрчлөлт оруулах тухай, Ашигт малтмалын тухай хуульд өөрчлөлт оруулах тухай болон Аж ахуйн орлогын албан татварын тухай хуульд нэмэлт оруулах тухай хуулийн төслүүдийн тухай	Ж.ЭРДЭНЭБАТ
4.	Эдийн засгийн хүндрэлээс гарах арга хэмжээний хөтөлбөрийг хэрэгжүүлэх нарийвчилсан төлөвлөгөөний тухай	Ж.ЭРДЭНЭБАТ
5.	Төслийн гэрээнд гарын үсэг зурах эрх олгох тухай*  (Монгол Улсын Засгийн газар, Швейцарийн Холбооны Улс)	Ж.ЭРДЭНЭБАТ
6.	Татварын алданги, хүү торгуулийн асуудлыг өөрчлөн боловсронгуй болгох тухай*	Ж.ЭРДЭНЭБАТ
7.	Тогтоолын хавсралтад нэмэлт оруулах тухай	Д.ДОРЛИГЖАВ
8.	Түрээсийн орон сууцны төслийг хэрэгжүүлэх тухай	Д.ЦОГТБААТАР
9.	БНХАУ-ын Засгийн газрын буцалтгүй тусламжаар цэцэрлэгийн өргөтгөлийн барилга барих тухай	Л.ГАНТӨМӨР
10.	"МИАТ" ТӨХК-ийн талаар авах зарим арга хэмжээний тухай*	Н.ТӨМӨРХҮҮ
11.	Иргэний нисэхийн ерөнхий газрын бүтцийн тухай*	Н.ТӨМӨРХҮҮ
12.	"Богдхан" төмөр замын трассыг тогтоох тухай*	Н.ТӨМӨРХҮҮ
13.	Ашигт малтмалын тухай хуульд нэмэлт оруулах тухай	Р.ЖИГЖИД
14.	Журам батлах тухай*	Р.ЖИГЖИД
15.	Үндэсний хорооны бүрэлдэхүүн батлах тухай	С.ЭРДЭНЭ
16.	Хонины ноос, тэмээний ноос бэлтгэж, үндэсний үйлдвэрт тушаасан хоршооны гишүүн малчин, мал бүхий этгээдэд мөнгөн урамшуулал олгох журмын тухай	Р.БУРМАА
17.	Нууц асуудал*	С.БАЯРЦОГТ
Танилцуулах асуудал
18.	Санхүүгийн хяналт шалгалтын чиг үүргийн тухай	У.ХҮРЭЛСҮХ
19.	Монгол Улсын эдийн засаг, нийгмийг 2014 онд хөгжүүлэх үндсэн чиглэлийн биелэлтийн тухай1	С.БАЯРЦОГТ
20.	Хууль тогтоомжийн хэрэгжилтийн тайлан1  (2014 он)	С.БАЯРЦОГТ
21.	Нэмэгдсэн өртгийн албан татварын урамшууллын системийг хөгжүүлэх төслийн явцын тухай	Ж.ЭРДЭНЭБАТ
22.	Олон улсын нисэх онгоцны шинэ буудал  барих төслийн хэрэгжилтийн тухай	Н.ТӨМӨРХҮҮ
23.	Олон улсын нисэх онгоцны шинэ буудлын удирлагыг хэрэгжүүлэх хувилбарын тухай	Н.ТӨМӨРХҮҮ
24.	Хүн амын хөгжил, нийгмийн хамгааллын сайдын гадаад томилолтын дүнгийн тухай	С.ЭРДЭНЭ
25.	Хүн амын хөгжил, нийгмийн хамгааллын сайдын гадаад томилолтын дүнгийн тухай	С.ЭРДЭНЭ

Г.ДАРЬ