2016/02/06

Ерөнхий сайд Улсын сайн малчны шагналыг хотонд нь гардууллаа

Энэ онд 21 аймаг, нийслэлээс нийт 118 малчныг "Улсын сайн малчнаар" гурван иргэн, нэг хоршоог "Улсын тэргүүний фермер"-ээр шалгаруулсан. Манай улсын хөдөө аж ахуйн салбарт гарсан ололт амжилтын дотор мал сүргийн тоо 56 саяд хүрсэн, малчин өрхийн тоо 9 жил дараалан буурч байсан бол сүүлийн хоёр жилд дараалан өсч, энэ жил 153 мянга болсон зэрэг нь Улсын сайн малчны тоог нэмэгдүүлсэн юм.

Төв аймгаас энэ жил найман сайн малчин тодорсны нэг нь тус аймгийн Баянжаргалан сумын 3 дугаар багийн малчин Ренчиндоржийн Баяндүүрэн.

Монгол Улсын Ерөнхий сайд Ч.Сайханбилэг Улсын сайн малчны болзлыг хангасан Р.Баяндүүрэнгийнд өнөөдөр зочилж "Улсын сайн малчин"- үнэмлэх, тэмдгийг дурсгалын зүйлтэй гардууллаа.

Монгол Улсын гавьяат малчин Р.Ренчиндорж 12 хүүхэдтэй,  тав нь малчин бөгөөд тавуулаа сум, аймгийнхаа шилдэг малчид. Есдэх хүү Баяндүүрэн нь "Улсын сайн малчин"-аар шалгарлаа. Удам залгасан малчны хотонд ирж шагнал гардуулж байгаадаа баяртай байна гэж Ерөнхий сайд хэлээд Р.Баяндүүрэнг аав шигээ гавьяат малчин цол хүртэхийг хүсэн ерөөлөө.

"Мал аж ахуйн үйлдвэрлэлийг зах зээлийн нөхцөлд өрсөлдөх чадвартай, эдийн засгийн үр ашигтай салбар болгох, хүн амыг эрүүл аюулгүй хүнсээр, боловсруулах үйлдвэрлэлийг чанартай түүхий эдээр хангах, мал сүргээ өсгөн үржүүлэх үйлсэд амжилт гаргасан таны нөр их хөдөлмөр, малч ухаан, хуримтлуулсан туршлагыг өндрөөр үнэлж, Монгол Улсын Засгийн газраас арвандолдугаар жарны модон хонин жилийн "УЛСЫН САЙН МАЛЧИН"-аар шалгаруулан өргөмжлөл олгов. Монгол Улсын Ерөнхий сайд Ч.Сайханбилэг болон Хүнс хөдөө, аж ахуйн сайд Р.Бурмаа гэсэн гарын үсэг бүхий өргөмжлөл олголоо. Мөн "Улсын сайн малчин" үнэмлэх, тэмдгийг Р.Баяндүүрэн болон түүний гэргий Б.Цэнд-Аюуш нарт гардууллаа.

Сар шинийн босгон дээр Монгол Улсын Засгийн газраас малчны зээлийн хүүг бууруулах шийдвэр гаргасан. Малчны үйлдвэрлэл, экспорт, технологийг дэмжих дунд хугацааны хөтөлбөрийн харилцан ойлголцлын санамж бичигт Хүнс, хөдөө аж ахуйн сайд Р.Бурмаа, Төрийн банкны захирал Б.Баттүвшин нар өчигдөр буюу энэ сарын 5-нд гарын үсэг зурсан. Ингэснээр жилийн 29,5 хувийн хүүтэй байсан малчны зээлийн хүү 18 хувь болж байна. Төрийн банкны 17550 гаруй зээлийг өчигдөр 18 хувьд шилжүүлсэн гэдгийг Ерөнхий сайд хэллээ. Р.Баяндүүрэнгийнх Төрийн банкны зээлдэгч бөгөөд зээлийн хүүг бууруулсанд талархаж байгаагаа илэрхийллээ.

Малчдын орлогыг тогтворжуулж, мал аж ахуйн бүтээгдэхүүний өрсөлдөх чадварыг дээшлүүлэх, үндэсний үйлдвэрлэлийг дэмжих, экспортын бүтээгдэхүүнийг нэмэгдүүлэх зорилгоор арилжааны банкаар дамжуулан малчдад шинээр олгох зээлийн хүүг 10 хүртэл хувь болгох зохион байгуулалтыг ирэх гуравдугаар сарын 15-наас  хийхээр төлөвлөж буйг Ерөнхий сайд танилцууллаа.

Малаа эрүүлжүүлэх, улмаар экспортод чиглэсэн мал, мах бэлтгэлийн тогтолцоог дэмжин ажиллах, малчид өөрсдөө эрүүл мэнд, нийгмийн даатгалд хамрагдсан байх, Төрийн банкинд "Малчин" данстай байх, үндэсний үйлдвэрлэлд түүхий эд, бүтээгдэхүүн нийлүүлдэг байх зэрэг нөхцөлийг хангасан малчин өрхөд 10 хувийн хүүтэй зээл олгох боломжийг бүрдүүлнэ гэдгийг Улсын сайн малчныд цугласан нутгийн иргэд, малчдад Ерөнхий сайд хэлээд малчин бол үйлдвэрлэгч, малчны зээл бол хэрэглээнийх биш үйлдвэрлэлийн зээл юм гэдгийг тодотголоо. 

Р.Баяндүүрэн Төв аймгийн Баянжаргалан суманд төрсөн, ам бүл 5 эхнэр хүүхдийн хамт амьдардаг.1992 оноос эхлэн 22 жил тасралтгүй мал маллахдаа сүүлийн 10 жилд малаа 5 төрлөөр нь өсгөж, малын үүлдэр угсаа, чанарт анхаарч малынхаа ашиг шимийг нэмэгдүүлэн 9 жил дараалан мянгат малчнаа хадгалан, сүүлийн гурван жилд амьдралын түвшин доогуур 15 иргэнд 450 гаруй мал хандивлан малжуулжээ. Тэрээр 2015 онд 1385 төл бойжуулж, 2429 толгой мал тоолуулж зах зээлд сүүлийн гурван жилд 1300 гаруй мал борлуулжээ. Мөн үржилд зориулж мал худалдсан, ноос, ноолуур, мах сүүгээ зах зээлд борлуулан орлого ашгаа нэмэгдүүлсэн байна.

ЭХ СУРВАЛЖ: ЗАСГИЙН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ АЛБА

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

Д.Хархүү: МоАХ-г удирдаж чадахгүй байна

Монголын Ардчилсан холбоог тойрсон асуудлаар "Ардчилсан Хувьсгалыг Анхдагчдын Зөвлөл" төрийн бус байгууллагын тэргүүн Д.Хархүүтэй ярилцлаа.

-Та МоАХ-ны анхны гишүүдийн нэг, МоАХ-ны үйл ажиллагааны талаар шүүмжлэлтэй хандах явдал сүүлийн үед их гарах боллоо.Та үүнийг юу гэж харж байна?

-Хүмүүс МоАХ байгаа байхгүй тухай ярих боллоо. Надаас асуувал би "Байхгүй" л гэнэ. МоАХ гэдэг нэрийг Монголд анх удаа үүсгэн байгуулсан байгууллагадаа өгч байсан МоАХ-ны анхны  гишүүний нэг миний хувьд энэ үгийг хэлсний дараа санаа алддаг.Харамсчбайгаадаа тэр. Цагаан байр нь байна, тамгатай дарга нь байхад МоАХ байхгүй гэж хэллээ гэж маргах хүн  байгаа байх.Үйл ажиллагаа байхгүй болохоор л би байхгүй гэж боддог.

-Та МоАХ-ны идэвхтэй гишүүн үү. Нөлөөтэй гишүүн үү?

-Бөөн идэвхибайсан.Байгууллагын дарга, Хотын АДХ-ын депутат байх үедээ ажил албан тушаалаа золиосолж Ардчилсан хувьсгалд зүтгэсэн.Итгэл маань зүтгэл болсон хэрэг.МоАХ-ны бүх Их хуралд оролцож зарим хурлын баримт бичгийг боловсруулалцаж байсан, Жаахан түүх ярья л даа. МоАХ1990 онд анхдугаар,1992 онд хоёрдугаар,2006 онд гуравдугаар,2009 онд дөрөвдүгээр Их хурлуудаа хийсэн байдаг.Анхдугаар Их хурлаас Социализмыг өөрчлөн сайжруулах, Хоёрдугаар Их хурлаар Социализм ба капитализмаас ангид Иргэний нийгмийг цогцлуулан хөгжүүлэхэд МоАХ-ны үзэл баримтлал, Гуравдугаар Их хурлаар МоАХ-г улс төрийн хөдөлгөөний хэлбэрээс төрийн бус байгууллага болгох. Дөрөвдүгээр Их хурлаар, "Улс төрийн нөхцөл байдлыг үнэлэн цэгнэж, ардчиллыг бэхжүүлэх,үнэт зүйлсийг нь хамгаалан хөгжүүлэхэд МоАХ-ны цаашдын зорилго, тэмцлийн чиг хандлага,стратеги тактикийн асуудал"  зэргийг хэлэлцсэн байдаг.3,4-р их хурлууд зүгээр л шоу болоод өнгөрсөн.

Эдгээр хурлуудын завсар хооронд МоАХ-г бие даасан  нам болгох санаачлага хэд хэдэн удаа гарч байсан боловч амжилтанд хүрч байгаагүй юм.Миний бие тийм хоёр ч хуралд уригдан оролцож байсан бөгөөд эсэргүүцэгч талын улаан хамгаалагчдын нэг байсан.

1997 онд Дарханд хуралдсан МоАХ-ны бага хурал энэ санааг  хэлэлцүүлэхийг зорьсон боловч анхны ам нээлтээр л эсэргүүцэлтэй тулгарч энэ хурлаар "Хөдөөгийн хөгжлийн нам"төрж, бага хурлын гишүүн "брак"-ийн нэг гуанзанд зоог барьснаар өндөрлөж байсан бол,2007 онд МоАХ-ны анхдагч гишүүд,МоАХ-Хөгжлийн нам  хамтран хийсэн чуулганаар намын асуудал олонхийн дэмжлэг аваагүй юм.

Энэ бүхнийг эрэгцүүлэхийн учир нь, анхдугаар Их хурал тухайн үеийн улс төрийн нөхцөл байдал,өөрчлөн байгуулалтын хүрээнээс хальж чадаагүй ч,Монголын ард түмний улс төрийн идэвхийг урд өмнө байгаагүйгээр сэргээж,олон жилийн турш оршин тогтнож байсан тоталитари дэглэмийн эсрэг олон нийтийг зохион байгуулалттай тэмцэх эхлэлийг тавьсанаараа түүхэн гавьяатай. Үүний дараа 1989 оны 12-р сарын 28-нд АСХ байгуулагдаж, 1990 оны 12-р сарын 19-нд олон нийтэд албан ёсоор зарлаж, 1990 оны 2-р сарын 18-нд Шинэ дэвшилтэд хөдөлгөөн, Эвийн холбоо нэгдэн нийлж ШДХ, 1990 оны 3-р сарын эхээр  Монголын оюутны холбооны онц 4-р бага хурал хуралдаж,оюутны байгууллагаа бие даасан улс төр-олон нийтийн байгууллага болсноо зарласнаар түүхэнд "Ардчилсан хүчнийхэн" гэж  нэрлэгдсэн улс төр олон нийтийн байгууллагын үндсэн цөм бүрдсэн юм.

Түүний дараа Монголын ногоонтны холбоо,Үйлдвэр үйлчилгээний хоршоодын холбоо,Монголын сүсэгтний холбоо, Монголын малчин тариаланчдын холбоо,Монголын ажилчны нэгдсэн холбоо зэрэг  олон байгууллагууд байгуулагдсан. Эдгээр холбоодын үйл ажиллагааг уялдуулан холбох зорилготой Нэгдсэн фронт гэдэг байгууллага байгуулах оролдлого гарсан боловч явуургүй оролдлого гэдгээ ухаарч өлгийндөө бурхан болсон байдаг. Нэгдсэн фронтыг санаачлагч нэг эрхэм эдүгээ УИХ-д хашир парламентч нэртэй сууж байгаа. 

Монголын нийгмийн сэтгэл зүй,оюун санааны хүрээ 1990 онд ардчилсан хувьсгалыг хүлээн зөвшөөрөх хэмжээнд хараахан бэлэн болоогүй байсан тэр үед,МоАХ-ны удирдлагын үзэл баримтлал өөрчлөн байгуулалтын хүрээнээс төдийлэн халилгүй аль болох аядуу байдлаар хувьсгалыг гүнзгийрүүлэх бодлого барьж байсан нь олон нийтийн дэмжлэгийг ихээхэн хүлээсэн, би ч энэ талд байсан. Үүнийг онолын хувьд ч буруушаах  зүйлгүй. Нийгмийн өөр байгууламжид шилжихэд тодорхой хугацаанд иргэдийн  оюун санаа,хандлагыг өөрчлөх явдал тодорхой хугацаа заавал шаарддаг юм байналээ.

-Өнөөдөр  болж бүтэхгүй зүйл их байгаа тухай иргэд шүүмжлэн ярих болж,хувьсгалыг манлайлсан МоАХ чимээгүйхэн л байх юм...?

-МоАХ  дотроосоо хэд хэдэн улс төрийн нам төрүүлж, тэдэндээ улс төрийн үйл ажиллагаагаа даатгаж,ардчиллынүнэт зүйлсийг зөв төлөвшүүлэхэдхяналт тавих үүрэгтэй "Хоточ нохой"-н үүрэг гүйцэтгэх боллоо гэж МоАХ-ны хоёрдугаар их хурлаар шийдвэрлэж байсан. Гэтэл "Хоточ нохой" маань ган гэж дуугарахаа болиод сүүлээ цагираглан хэвтэхээс цаашгүй болсон нь энэ байгууллагыг удирдаж байгаа Х.Баттулга ардчилал иргэний нийгмийн боловсрол мэдлэг нимгэнээс гадна МоАХ-г хувийн компани шиг захирч өөрийнхөө төлөө дуугардаг хэдэн хүний цуглуулга болгосонтой холбохоос өөр аргагүй.

-Хувийн компани шиг гэж та ямар үндэслэлээр хэлж байна?

-МоАХ,АСХ,ШДХ,МоОХ,Ногоон хөдөлгөөний анхны хэсэг гишүүд "Ардчилсан хувьсгалыг анхлагчдын зөвлөл"  (АХАЗ)ТББ байгуулсан л даа. Тэгээд МоАХ-ын даргын хувьд Х Баттулгатай уулзаж санал бодлоо солилцсон юм. Уулзалтанд Ш.Түвдэндорж, А.Гансүх, Г.Байгаль, Л.Эрдэнэчимэг нар ирсэн. Бид манай ардчиллын төлөвшилд гарч байгаа  гажуудал бэрхшээлийг арилгахад АХАЗ-ын бодлого үйл ажиллагааныхаа талаар ярьж МоАХ ямар байр суурьтай байгааг сонирхсон. Харин Баттулга "Та нар улс төр яриад "Хад мөргөнө шүү дээ" гээд харин Тавантолгойн асуудлаар хэвлэлийн бага хурал хийхийг санал болгосон.МоАХ-ны дарга,УИХ-ын гишүүн, АН-ын ҮЗХ-ны гишүүн хүн ардчилал,иргэний нийгмийнхээ төлөвшилд санаа тавьж саналаа солилцохоор ирсэн гишүүддээ тэгж хандах нь үнэхээр зохисгүй санагдсан. Манай удирдах зөвлөл хуралдаад Тавантолгойн асуудлаар хэвлэлийн хурал хийхгүй, цаашид МоАХ-ны өнөөгийн удирдлагатай ямар нэгэн байдлаар хамтарч ажиллахгүй гэж шийдвэрлэсэн.

-Та нар мөнгө гуйгаад дургүйгийнь хүргэчихсэн юм бишүү?

-Ямарч тийм юм байхгүй.Бид гишүүдийнхээ татвар хандивт тохирсон ажил хийдэг. Цаашдаа  үйл ажиллагаагаа өргөжүүлэхэд санхүүгийн асуудал гарах байх гэхдээ сэтгэлгүй хүнээс барьцаатай харамж хэзээ ч авахгүй.

-Та нар тэгээд МоАХ-гоо зөнд нь орхиж байгаа юм уу?

-Манай гишүүд дотор олон хөдөлгөөний анхдагчид,ямар ч хөдөлгөөний биш хүмүүс, эрдэмтэн судлаачид, залуучууд байдаг. Зөвхөн МоАХ гээд байх  боломжгүй боловч МоАХ-ын орон нутгийн байгууллагуудыг үүсгэн байгуулж байсан бараг "МоАХ" овогтой болчихсон олон хүн байгаа болохоор бид бусад гишүүдийнхээ гаргаж байгаа саналд анхааралтай хандаж байгаа

-Бусад гишүүд гэж хэнийг хэлж байна?

-Нэрлэж барахааргүй олон хүн янз бүрийн хэлбэрээр саналаа илэрхийлж байна. Рэнцэнтавхай, Бямбаа, Мөнхбат гээд нилээд нөлөө бүхий хүмүүс санал бодлоо хэвлэл мэдээллээр илэрхийлсэн байна лээ.

-МоАХ-ны Их хурал хийвэл та нар дэмжиж оролцох уу?

-Нилээд идэвхтэй оролцож МоАХ-ыг МоАХ-ынх нь хүнд өгч 1990 оных шиг биш юмаа гэхэд дуу хоолойгоо гаргаж ардчиллынхаа сайн сайхныг таниулж, алдаа эндэгдэлийг нь хатуу хэлж,өнөөдрийн сайныг батжуулж,саарыг үлдэн хөөх нэг гар нь байвал хамтран зүтгэх л болно.

-Та МоАХ-ыг МоАХ-ын хүнд өгнө гэдэг чинь Х.Баттулгыг МоАХ-ын хүн биш гэсэн санаа юу?

-МоАХ-ны гишүүнчлэл чинь 1992 оны 01-р сарын 13-наар тасалбар болох ёстой. Гэтэл АН ялахаар хүн бүр МоАХ-ын гишүүн гэцгээх юм. Би 1989 оны 12-р сарын 22-нд Ховдоос ирж С.Зориг, Д.Дорлигжав хоёртой уулзаж байсан тэр өдрөөс хойш МоАХ-ын олон хурал үйл ажиллагаанд оролцож явахдаа Х Баттулгыг огт харж байгаагүй.  МоАХ-ны халуун тэмцэлд оролцож байгаагүй, хавчигдаж доромжлуулж үзээгүй,өлсөж цангаж хэвтээгүй болохоор МоАХ-ны гишүүддээ хүниймсэг хандаж,өөрийнхөө харцаар хөдөлдөг хүмүүсээр өөртөө хашаа босгоод байна даа гэж хардаг.

-Баттулгыг хувь хүнийх нь хувьд ямар хүн гэж та бодож байна?

-Би ганцхан удаа албан уулзалтаар хүний мөс чанарыг таньж чадахгүй шүү дээ.Сайн бизнесмэн, сайн тамирчин, бас Монголын Жүдо бөхийн холбоог сайн удирдаж байгаа гэдэг. Харамсалтай нь тэр улс төрч хүн огт биш.Тэр дундаа МоАХ-ны дарга түүнд дэндүү ахдах юм байна гэж боддог.

Л.ДОРЖ

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

2016/02/05

Сайд Д.Эрдэнэбат Цагааннуур суманд ажиллаж байна

Аж үйлдвэрийн сайд Д.Эрдэнэбат өнөөдөр Сэлэнгэ аймгийн Цагааннуур суманд ажиллаж байна. Засгийн газар сар шинийн өмнө улсын сайн малчин, улсын тэргүүний тариаланч, улсын тэргүүний тариаланч хамт олныг шалгаруулдаг.

Өнөө жил Сэлэнгэ аймгийн Цагааннуур сумаас улсын тэргүүний тариаланч хамт олноор "Товхонхан" ХХК шалгарсан байна. Шагналыг нь Аж үйлдвэрийн сайд Д.Эрдэнэбат гардуулан өглөө.

"Товонхан" компани нь байгуулагдаад 20 гаруй жил болж буй бөгөөд 30 гаруй ажиллагсадтай юм байна. Газар тариалангийн салбарт үйл ажиллагаа эрхэлснээс хойш байгаль цаг уурын хүнд нөхцөлд тус компани ургац алдаагүй нь техникийн шинэчлэл хийж чадсан, мөн өөрийн орны байгаль цаг уурын онцлогт тохирсон агротехнологийг бий болгож чадсантай холбоотой аж. Энэ тухайгаа компанийн удирдлага Аж үйлдвэрийн сайдаас шагналаа гардах үеэр хуучиллаа.

Г.ДАРЬ

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

МАН-ын дарга М.Энхболд таны асуултанд хариуллаа

"NEWS"  агентлагийн "Оны хүн"-ээр шалгарч байсан эрхмүүдтэй хийх цуврал ярилцлагын энэ удаагийн зочноор УИХ-ын дэд дарга, Монгол Ардын намын дарга Миеэгомбын Энхболд уригдлаа. Монгол Улсын 23 дахь Ерөнхий сайд, МАХН-ын дарга М.Энхболдыг тус агентлаг 2006 оны "Оны хүн"-ээр нэрлэж байсан билээ. Уншигч та бүхний ирүүлсэн 400 гаруй гаруй асуултыг  "NEWS"  агентлаг багцлан өөр хоорондоо ижил төстэйгөөр нь ангилан 40 орчим асуулт болгосон бөгөөд тэрхүү асуултад УИХ-ын дэд дарга, МАН-ын дарга М.Энхболд хэрхэн хариулсныг 2016 оны хоёрдугаар сарын 7--ны өдөр 21.00 цагаас "Ийгл" телевизээр хүлээн авч үзээрэй.

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

ЗГ битүүний өдөр хуралдана

Ирэх долоо хоногийн даваа гариг буюу хоёрдугаар сарын 8-нд Засгийн газар хуралдах юм байна. Энэ өдөр сар шинийн битүүний өдөр таарч буй. Төрийн байгууллагууд хагас өдөр ажиллах ёстой. Тэгвэл Засгийн газар ээлжит хуралдаанаа энэ өдөр 10.00 цагт эхлүүлж, 10 шахам асуудлыг хэлэлцэн, танилцахаар төлөвлөжээ. Үүнд авто замын засвар, арчлалтын ажлын санхүүжилтийг шийдвэрлэхийн зэрэгцээ Үндсэн хуулийн цэцэд маргаан хянан шийдвэрлэх ажиллагааны тухай хуульд өөрчлөлт оруулах тухай хуулийн төслийг хэлэлцэн санал дүгнэлт гаргах юм байна. уг төслийг УИХ-ын гишүүн Ш.Түвдэндорж санаачилжээ.

Засгийн газрын хуралдаанаар хэлэлцэх асуудлын дарааллыг дараах хүснэгтээс тодруулж харна уу.

Хэлэлцэх асуудал

Засгийн газрын гишүүн

  1.  

Улсын Их Хурлын гишүүн Ш.Түвдэндоржийн санаачлан боловсруулсан Үндсэн хуулийн цэцэд маргаан хянан шийдвэрлэх ажиллагааны тухай хуульд өөрчлөлт оруулах тухай хуулийн төсөлд Засгийн газраас өгөх санал, дүгнэлтийн тухай*

Д.ДОРЛИГЖАВ

  1.  

Нэрэмжит болгох тухай

Л.ГАНТӨМӨР

  1.  

Авто замын засвар, арчлалтын ажлын санхүүжилтийг шийдвэрлэх

М.ЗОРИГТ

  1.  

Журам батлах, төлбөрийн хэмжээ тогтоох тухай

М.ЗОРИГТ

  1.  

Тогтоолд өөрчлөлт оруулах тухай (Засгийн газрын 2013 оны 19 дүгээр тогтоол)

С.ЭРДЭНЭ

  1.  

Бусад асуудал*

Ч.САЙХАНБИЛЭГ

Танилцуулах асуудал

  1.  

Монгол Улсын Шадар сайдын гадаад томилолтын тухай

С.БАЯРЦОГТ

  1.  

Байгаль орчин, ногоон хөгжил, аялал жуулчлалын сайдын гадаад томилолтын тухай

С.БАЯРЦОГТ

  1.  

Байгаль орчин, ногоон хөгжил, аялал жуулчлалын сайдын гадаад томилолтын дүнгийн тухай

Н.БАТЦЭРЭГ

Г.ОЮУ

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

Сайд нар орон нутагт ажиллаж байна

Ерөнхий сайд Ч.Сайханбилэг, Засгийн газрын хэрэг эрхлэх газрын дарга С.Баярцогт, Аж үйлдвэрийн сайд Д.Эрдэнэбат нар өнөөдөр орон нутагт ажиллаж байна.

Тодруулбал, Ерөнхий сайд Ч.Сайханбилэг Төв аймагт, сайд С.Баярцогт, Д.Эрдэнэбат нар Сэлэнгэ аймагт тус бүр ажиллаж буй аж.

Сар шинийн өмнө Засгийн газар улсын сайн малчин, улсын сайн тариаланч, улсын тэргүүний фермэр, улсын тэргүүний тариаланч хамт олныг тус бүр шалгаруулж, шагналыг нь олгодог. Энэхүү шагналыг эздэд нь гардуулах үүргийг сайд нар хүлээжээ. Засгийн газрын хуралдаанаас гаргасан шийдвэрээр Төв аймгаас  улсын сайн малчнаар Эрдэнэсант сумын 4 дүгээр багийн малчин Гомбосүрэнгийн Насанбат, Сэргэлэн сумын Хайрхан багийн малчин Паламын Гөлгөө, Баянцагаан сумын 2 дугаар багийн малчин Цэндсүрэнгийн Сандаглхагва, Баян сумын 2 дугаар багийн малчин Доржпаламын Батбуян, Баянжаргалан сумын 3 дугаар багийн малчин Ренчиндоржийн Баяндүүрэн, Дэлгэрхаан сумын 3 дугаар багийн малчин Буянтогтохын Батдэлгэр, Баянцагаан сумын 5 дугаар багийн малчин Догсомын Жамъяндорж, Лүн сумын 2 дугаар багийн малчин Дамдингийн Эрдэнэбаяр нар шалгарсан юм.

Сэлэнгэ аймгаас улсын тэргүүний тариаланч хамт олноор Цагааннуур сумын "Товхонхан" ХХК, Цагааннуур сумын "Ургацын хишиг" ХХК,  Түшиг сумын "Бооцын тариа" ХХК тус бүр шалгарсан юм.

Улсын тэргүүний тариаланчаар Цагааннуур сумын "Гацуурт" ХХК-ийн механикжуулагч Баасанжавын Амарсанаа шалгарсан юм.

Г.ХОРОЛ

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

Алслагдсан аж ахуйн нэгжүүдэд татварын хөнгөлөлт үзүүлнэ

-Улаанбаатар хотоос 600 км-ээс хол алслагдсан Баян-Өлгий, Баянхонгор, Говь-Алтай, Дорнод, Завхан, Увс, Ховд, Хөвсгөлд үйл ажиллагаа эрхэлж байгаа аж ахуйн нэгжүүд татварын хөнгөлөлт эдлэх боломжтой боллоо-

УИХ намрын чуулганаа өндөрлүүлэхийн өмнө Аж ахуйн нэгжийн орлогын албан татварын тухай хуульд нэмэлт оруулах тухай, Хувь хүний орлогын албан татварын тухай хуульд нэмэлт өөрчлөлт оруулах тухай хуулийн төслийг хэлэлцэн баталлаа.

Тухайлбал, ААНОАТ-ын тухай хуульд өөрчлөлт оруулснаар Улаанбаатар хотоос 600 км-ээс хол алслагдсан 8 аймагт / Баян-Өлгий, Баянхонгор, Говь-Алтай, Дорнод, Завхан, Увс, Ховд, Хөвсгөл/ байнгын үйл ажиллагаа явуулан 3-аас доошгүй ажлын байр бий болгосон / нийгмийн даатгалын шимтгэл төлөлтөөр баталгаажсан/ аж ахуйн нэгжийн төлөх орлогын албан татварыг 3 жилийн хугацаанд 50 хувь хөнгөлөх, 1000 км-ээс алслагдсан бол 90 хувь хөнгөлөх болж байна. Ингэхдээ ашигт малтмалын хайгуул хийх, ашигт малтмал ашиглах, согтууруулах ундаа борлуулах, импортлох, тамхины ургамал тарих, тамхи үйлдвэрлэх, импортлох, газрын тосны бүтээгдэхүүний үйлдвэрлэл, бөөний худалдаа эрхлэх, үүрэн телефоны үйлчилгээ эрхлэх, эрчим хүчний эх үүсвэр, шугам сүлжээ барьж байгуулах, эрчим хүч үйлдвэрлэх, борлуулах, түгээх, иргэний нисэхийн үйл ажиллагаа эрхлэх, автозам, замын байгууламжийг барих, засварлах, цацраг идэвхт ашигт малтмал, цөмийн энергийн үйл ажиллагаа хөнгөлөлтөд хамаарахгүй юм.

Харин ХХОАТ-ын тухай хуульд нэмэлт, өөрчлөлт оруулснаар уг хууль хэрэгжиж эхэлснээс хойш 3 жилийн хугацаанд нийслэлээс аймгийн төв нь 600 км-ээс илүү хол алслагдсан аймагт оршин сууж хөдөлмөр эрхэлж байгаа иргэнд ногдох Хувь хүний орлогын албан татвараас 50 хувь, 1000 км-ээс алслагдсан бол 90 хувь хөнгөлөх, бусад аймагт оршин сууж хөдөлмөр эрхэлж байгаа иргэний Хувь хүний орлогын албан татвараас 20 хувь тус тус хөнгөлөх болж байна.

Хуулийн хэрэгжих хугацааг 2017 оны нэгдүгээр сарын 1-нээс мөрдөхөөр зааж өгсөн юм.

Онцлоход, дээрх хуулийн төслийг УИХ-ын гишүүн С.Бямбацогт, Л.Энх-Амгалан, А.Бакей, Д.Батцогт нарын 16 гишүүн санаачлан өргөн мэдүүлсэн байсан юм.

Г.ОЮУ

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

Барилгын тухай хуулийг дэмжлээ

Барилгын тухай хуулийг дэмжлээ

5 минутын өмнө

Энэ мэдээ танд таалагдаж байвал LIKE хийгээрэй. Танд баярлалаа.

Манай сайт танд таалагдаж байвал LIKE хийгээрэй. Танд баярлалаа.

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

Зэвсэгт хүчний тухай хуулийн шинэчилсэн найруулгын төслийг өргөн мэдүүллээ

Монгол Улсын Их Хурлын дарга Зандаахүүгийн Энхболдод Зэвсэгт хүчний тухай хуулийн шинэчилсэн найруулгын төслийг өнөөдөр /2016.02.05/ Ерөнхийлөгчийн Хүний эрх, хуулийн бодлогын зөвлөх Ч.Өнөрбаяр өргөн мэдүүллээ. 

Улсын Их Хурлын 2015 оны 85 дугаар тогтоолоор баталсан "Монгол Улсын батлан хамгаалах бодлогын үндэс" баримт бичигт "Монгол Улсын батлан хамгаалах бодлого, үйл ажиллагааны харилцааг зохицуулах хууль, эрх зүйн хэм хэмжээний цогц байдлыг хангана" гэж заасанд нийцүүлэн Зэвсэгт хүчний тухай хуулийг шинэчлэх шаардлага гарчээ.

Зэвсэгт хүчний гүйцэтгэх үүрэг, түүнийг хэрэглэх онол арга зүйд гарч буй сүүлийн үеийн өөрчлөлт, мэргэжлийн цэрэгт суурилсан чадварлаг болгох чиглэлээр Зэвсэгт хүчнийг хөгжүүлэх бодлогыг хэрэгжүүлэх эрх зүйн үндсийг бүрдүүлэхийн тулд хуулийн төслийг боловсруулсан байна. Зэвсэгт хүчний удирдлагыг улс төрийн дээд удирдлага, төрийн захиргааны удирдлага, цэргийн мэргэжлийн дээд удирдлага гэж ангилан, Улсын Их Хурал, Ерөнхийлөгч, Засгийн газар, батлан хамгаалах асуудал эрхэлсэн Засгийн газрын гишүүний бүрэн эрхтэй холбогдсон эрх зүйн зохицуулалтыг боловсронгуй болгон хуулийн давхардал, хийдэлгүй болгохоор тусгажээ.

Түүнчлэн батлан хамгаалах салбарын багц хуулиудын хоорондын уялдаа холбоо, эрх зүйн зохицуулалтын нийцлийг хангахаар 4 бүлэг, 20 зүйлтэйгээр боловсруулсан байна. Хуулийн төсөл батлагдсанаар Зэвсэгт хүчний хуулиар хүлээсэн чиг үүрэг баталгаажиж, зэвсэгт хүчний талаарх удирдлагын болон цэргийн удирдлагын дээд байгууллага, хуулийн үйлчлэл, эрх зүйн харилцаа боловсронгуй болох аж.

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

Монгол Улсын Ерөнхий сайд мэдээлэл хийв

Улсын Их Хурлын 2015 оны намрын ээлжит чуулганы өнөөдрийн /2016.02.05. Баасан гараг/ үдээс хойших нэгдсэн хуралдаанаар Монгол Улсын Ерөнхий сайд Ч.Сайханбилэг Улсын Их Хурлын гишүүдийн сонирхсон асуултад хариулт өглөө.

Улсын Их Хурлын гишүүн С.Бямбацогт, цагаан сарын өмнө ипотекийн зээлийн хүү 8 хувь байгааг 5 хувь болгох, мөн тэтгэвэрийн болон малчдын, үйлдвэрлэлийн зэрэг бүх төрлийн зээлийн хүүг бууруулах асуудлын талаар тодотгосон бол Улсын Их Хурлын гишүүн Ч.Хүрэлбаатар өвөлжилт хүндэрч байгаа аймгуудын нөхцөл байдал ямар байгааг асуусан юм.

Монгол Улсын Ерөнхий сайд Ч.Сайханбилэг өгсөн хариултдаа, УИХ дахь МАН-ын бүлгээс бүх төрлийн зээлийн хүүг бууруулах чиглэлээр ажиллаач ээ гэсэн хүсэлт, санал, шаардлагыг Засгийн газарт хүргүүлсэн. Энд бодлогын том зөрүү байгаа. Учир нь хэрэглээний зээлийг дэмжсэнээр эдийн засгаа улам муудуулахын зэрэгцээ буруу жишиг тогтоно. Мөн энэ нь эргээд эдийн засгийн макро үзүүлэлтүүд дээр сөрөг нөлөө үзүүлнэ гэсэн байр суурьтай байгаа. Харин үйлдвэрлэл, экспортыг дэмжсэн, ажлын байрыг шинээр бий болгох, импортыг орлосон шинэ эдийн засгийн салбаруудыг хөгжүүлэх дээр тодорхой арга хэмжээнүүдийг үе шаттайгаар авч явуулна. Энэ үндсэн дээр өнгөрсөн өдрүүдэд Сангийн сайд, Хүнс, хөдөө аж ахуйн сайдад өгсөн даалгаварын дагуу малчдын 30 хувийн өндөр хүүтэй зээлийг малчны үйлдвэрлэлийн зээл болгож, үзэл санаа, үйл ажиллагааг нь өөрчлөөд энэ чиглэлийн ажлуудыг хийгээд явж байна. Өчигдөр Засгийн газрын хуралдаанаар тодорхой шийдвэрийг гаргасан. Нийт нутгийн өвлийн ерөнхий явцтай холбогдуулан яаралтай арга хэмжээнүүдийг Засгийн газраас цаг тухайд авч байна. Он дөнгөж гараад 2.4 тэрбум төгрөг нөөцөөс гаргаж аймгуудад эхний ээлжинд хуваарилан, 6500 тонн өвс үнэгүй хүргэх, тэжээлийг 50 хувийн хөнгөлөлттэй үнээр хүргэх ажлыг зохион байгуулсан. Увс болон бусад өвөлжилт хүндэрч байгаа аймгууд руу илүү чиглэсэн 1.2 тэрбум төгрөг, 4500 тонн өвсний хуваарилалт хийлээ. 20 гаруй машин зохицуулалт хийсэн. Нэмж тодорхой хэмжээний машинуудыг хэрэгцээтэй байгаа аймаг, сумад хүргэх ажлыг зохион байгуулж байгаа. Олон улсын байгууллагууд бас хандаж байна. Тодорхой аймаг, сумдад олон улсын байгууллагуудын санал болгож байгаа тусламж, дэмжлэг, бусад үйл ажиллагааг чиглүүлэх зорилготой ажиллаж байна гэлээ. Чуулганы нэгдсэн хуралдаанд үргэлжилж байна.

ЭХ СУРВАЛЖ: УЛСЫН ИХ ХУРЛЫН ТАМГЫН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

Үндэсний аюулгүй байдлын тухай хуулийн төслийг өргөн барилаа

Монгол Улсын Их Хурлын дарга Зандаахүүгийн Энхболдод Монгол Улсын Ерөнхийлөгчийн Хүний эрх, хуулийн бодлогын зөвлөх Ч.Өнөрбаяр Үндэсний аюулгүй байдлын тухай хуулийн төслийг өнөөдөр /2016.02.05/ өргөн мэдүүлэв.

Үндэсний аюулгүй байдлын үзэл баримтлалын 4.2.5-д заасан стратегийг ҮАБЗ боловсруулах бөгөөд Засгийн газар үйл ажиллагааныхаа хөтөлбөрт тусган УИХ-аар батлуулж хэрэгжүүлэхээр тусгасан. Ингэснээр үзэл баримтлалыг хэрэгжүүлэх механизм бүрдэнэ гэж үзжээ.

Энэхүү хуулийн төсөл нь Монгол Улсын Үндсэн хууль, Үндэсний аюулгүй байдлын үзэл баримтлал, бусад хууль хууль тогтоомжтой уялдсан. Хуулийн төсөлтэй холбогдуулан одоо мөрдөж буй Үндэсний аюулгүй байдлын тухай хууль, Үндэсний аюулгүй байдлын зөвлөлийн тухай хуулийг хүчингүй болсонд тооцох шаардлагатай тул холбогдох хуулиудын төслийг боловсруулсан байна.

ЭХ СУРВАЛЖ: УЛСЫН ИХ ХУРЛЫН ТАМГЫН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

Монгол Улсын батлан хамгаалах тухай хуулийн шинэчилсэн найруулгын төслийг өргөн мэдүүлэв

Улсын Их Хурлын дарга Зандаахүүгийн Энхболдод өнөөдөр /2016.02.05/ Монгол Улсын батлан хамгаалах тухай хуулийн шинэчилсэн найруулгын төслийг Ерөнхийлөгчийн Хүний эрх, хуулийн бодлогын зөвлөх Ч.Өнөрбаяр өргөн мэдүүлэв. 

Монгол Улсын батлан хамгаалах тухай хууль нь 1993 онд батлагдсан бөгөөд 4 удаа нэмэлт, өөрчлөлт оруулсан. Энэхүү хуулийн төсөлд батлан хамгаалах үйл ажиллагаа, түүний зарчим, хуулийн нэр томьёо, Монгол Улсын цэргийн байгууллыг шинээр тодорхойлж, төр засгаас батлан хамгаалах талаар хэрэгжүүлэх арга хэмжээг нарийвчлан тусгасан байна. Түүнчлэн батлан хамгаалах тогтолцооны үндэс нь төр захиргааны байгууллагууд, нийт иргэдийн оролцоонд тулгуурласан орон нутгийн хамгаалалт, мэргэжлийн цэрэгт суурилсан зэвсэгт хүчин, нэгдмэл удирдлага, төлөвлөлт бүхий дайчилгаа байхаар шинээр тодорхойлсон байна. 

Мөн Монгол Улсын цэргийн байгуулал, түүний бүтэц бүрэлдэхүүний талаар шинэ бүлэг нэмж, батлан хамгаалах асуудлаарх эрх бүхий субьектүүдийн бүрэн эрх, түүнийг хэрэгжүүлж, зохион байгуулах болон батлан хамгаалах асуудал эрхэлсэн төрийн захиргааны төв байгууллага, цэргийн мэргэжлийн дээд удирдлагын байгууллага, төрийн болон орон нутгийн засаг захиргаа, аж ахуйн нэгж байгууллага, иргэдийн чиг үүрэг, үйл ажиллагааг илүү тодорхой болгох зорилгоор эрх зүйн зохицуулалтыг шинэчилж тусгажээ. 

Хуулийн төсөл батлагдсанаар батлан хамгаалах тогтолцоо шинээр төлөвшиж түүнийг улс төр, нийгэм, эдийн засаг, эрх зүй, цэргийн чиглэлээр хэрэгжүүлэх арга зам тодорхойлогдон, Монгол Улсын өөрийгөө батлан хамгаалах чадавх хуулийн зорилтын хүрээнд нэмэгдэнэ гэж үзжээ

ЭХ СУРВАЛЖ: УЛСЫН ИХ ХУРЛЫН ТАМГЫН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

Зардлаа хэмнэж, үр бүтээлтэй ажиллахыг даалгав

Ерөнхий сайд Ч.Сайханбилэгийн даргалж буй АСЕМ-ын Дээд түвшний 11 дүгээр уулзалтыг зохион байгуулах, чиг үүргээр хангах Үндэсний зөвлөлийн 14 дүгээр хуралдаан боллоо.  

АСЕМ-ын Дээд түвшний уулзалтын хүрээнд нийт 9 дагалдах хурал болох бөгөөд эхний хурал 4 дүгээр сарын 21-22-нд болох Ази-Европын Парламентын Түншлэлийн 9 дүгээр уулзалт юм. Гурван салбар хуралдаантай болох энэхүү уулзалтын төлөөлөгчдийн бүртгэл болон бэлтгэл ажилтай холбоотой асуудлыг энэ хурлаар хэлэлцлээ. Ерөнхий сайд дотоод нөөц боломжиндоо тулгуурлан үр дүнтэй зохион байгуулах чиглэл өгч, Парламентын Түншлэлийн уулзалтаас гарах баримт бичгүүдийн төслүүдтэй танилцаж, санал хэллээ.

Мөн АСЕМ-ын бэлтгэл ажил хариуцаж буй зургаан ажлын хэсгээс хийж, хэрэгжүүлж буй ажил, тайлан, хүндрэл бэрхшээл, шаардлагатай санхүүжилт зэрэг мэдээлэл хийлээ. Ерөнхий сайд Ч.Сайханбилэг аль болох бага зардлаар улс орныхоо нэгдмэл эрх ашгийн үүднээс иргэд, хувийн хэвшил, иргэний нийгмийнхний оролцоотойгоор асуудлуудаа хамтарч шийдэхийг даалгасан юм.

Дээд түвшний уулзалтын зочид төлөөлөгчийн аюулгүй байдал, тохижилт үйлчилгээ, эрүүл мэндийн урьдчилан сэргийлэх болон яаралтай тусламжид шаардагдах зайлшгүй зардлыг тооцоолж, бусад дагалдах зардлуудыг хандив, түрээс болон шилжүүлэн ашиглах байдлаар оновчтой зохион байгуулахыг үүрэг болголоо. Дээд түвшний уулзалт болох хугацаа дөхөж байгаа учраас Үндэсний зөвлөлийн хурлыг долоо  хоног бүрийн лхагва гарагт хуралдуулахаар шийдвэрлэлээ.

ЭХ СУРВАЛЖ: ЗАСГИЙН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ АЛБА

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

С.Оюун, С.Дэмбэрэл нар хуулийн төсөл өргөн мэдүүлэв

Монгол Улсын Их Хурлын дарга Зандаахүүгийн Энхболдод өнөөдөр /2016.02.05/ УИХ-ын гишүүн С.Оюун, С.Дэмбэрэл нар "Газрын тос, ашигт малтмалын нөөц ашигласны болон байгаль орчныг бохирдуулсны төлбөрийн орлогоос байгаль орчныг хамгаалах, байгалийн нөөцийг нөхөн сэргээх  арга хэмжээнд  зарцуулах  хөрөнгийн хувь хэмжээний тухай" хуулийн төслийг өргөн мэдүүлэв.

Энэ хуулийн төслийн зорилт нь газрын тос, ашигт малтмалын нөөц ашигласны болон байгаль орчныг бохирдуулсны төлбөрийн орлогыг байгаль орчныг хамгаалах, байгалийн нөөцийг нөхөн сэргээх, ялангуяа хүний болон үйлдвэрлэлийн үйл ажиллагаагаар эвдэрч, нөхөн сэргээгдэлгүй орхигдсон газар, түүний хэвлийг нөхөн сэргээх арга хэмжээнд хуваарилан зарцуулах хөрөнгийн хувь, хэмжээг тогтооход оршиж буйг төсөл санаачлагчид танилцуулав.

Түүнчлэн уг хуулийн төсөлд байгаль орчныг хамгаалах, хүний болон үйлдвэрлэлийн үйл ажиллагаагаар эвдэрч, нөхөн сэргээгдэлгүй орхигдсон газар, түүний хэвлийг нөхөн сэргээх арга хэмжээнд зарцуулахаар энэ хуулийн 5 дугаар зүйлд заасан байгалийн нөөц ашигласны төлбөрийн орлогын тодорхой хувь хэмжээг бууруулсан,  төлбөрийн орлогын хэсгийг өөр зориулалтаар ашигласан албан тушаалтныг нэг сарын хөдөлмөрийн хөлсний доод хэмжээг таваас арав дахин нэмэгдүүлсэнтэй тэнцэх хэмжээний төгрөгөөр, аж ахуйн нэгж, байгууллагыг нэг сарын хөдөлмөрийн хөлсний доод хэмжээг 20-30 дахин нэмэгдүүлсэнтэй тэнцэх хэмжээний төгрөгөөр торгож, уг хөрөнгийг нөхөн төлүүлэх зохицуулалт оруулахаар тусгажээ гэж хуулийн төсөл санаачлагч хэлсэн болохыг УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

Ерөнхийлөгчийн Тамгын газар ахмадууддаа хүндэтгэл үзүүлэв

Ерөнхийлөгчийн Тамгын газарт олон жил үр бүтээлтэй ажиллаж байгаад гавьяаныхаа амралтад гарсан ахмад буурлуудаа хүлээн авч хүндэтгэл үзүүлдэг уламжлалтай.

XYII жарны "Муу нүүрт" хэмээх гал улаан бичин жилийн босгон дээр буюу өнөөдөр Монгол Улсын Ерөнхийлөгчийн Тамгын газрын дарга П.Цагаан, дэд дарга Б.Тогтохбуян нар Ерөнхийлөгчийн дэргэдэх Иргэний танхимд ахмадуудаа хүндэтгэн хүлээж авч  Төрийн тэргүүний гарын бэлгийг гардууллаа.

Энэ үеэр Ерөнхийлөгчийн Тамгын газрын дарга П.Цагаан хэлэхдээ "Бид сар шинийн баяр, ахмадын өдрөөр жилдээ хоёр удаа ахмадуудаа хүлээн авч хүндэтгэл үзүүлдэг уламжлалтай. Та бүхэнд удахгүй болох сар шинийн мэнд дэвшүүлье. Өнгөрсөн нэг жилийн хугацаанд Монгол Улсын Ерөнхийлөгчийн санаачилга, Ерөнхийлөгчийн Тамгын газрын дэмжлэг дор ШУА-ийн Хэл зохиолын хүрээлэн, Информатикийн хүрээлэнгийн эрдэмтэдтэй хамтран Монгол хэлний их тайлбар толийг бүтээлээ. Цэвэлийн толь, Шагжийн толь зэрэгт 30 мянга орчим үг багтсан байдаг. Харин энэ толь нь  60 мянга гаруй толгой үг, 80 мянга гаруй хоршоо, холбоо үг, нийтдээ 140 мянган үг агуулсан Монгол хэлний анхны их тайлбар цахим толь юм.

Ахмадууд цахим ертөнцтэй хөл нийлүүлж яваа гэдэгт итгэж байна. Саяхан Монгол хэлний их тайлбар толь гар утасны хувилбартай болсон. Та бүхэн гар утсан дээрээ суулгаж болно. Мөн энэ тольд өөрсдийнхөө нэрээр шинээр үг нэмж баяжуулж, хамтран зохиож болно. Өнгөрсөн нэг жилийн дотор тайлбар тольд 1900 шинэ үг нэмэгдсэн. Мөн энэ оны нэгдүгээр сарын 1-нээс Эх хэлний зөвлөл Монгол Улсын Ерөнхийлөгчийн удирдлага дор ирсэн. Монголчууд 10 жилийн дараа бүгдээрээ монгол бичигтэн болно гэдэгт итгэж байна.

Ирэх жилийн өдийд Монголын түүхийг цахим хэлбэртэй болгох гэж байна. Түүхээ мэдэх нь хүнд ихийг бүтээх эрч хүч, энерги өгдөг. Түүхээ мэдвэл бие биеэ хүндэлж эв найртай болно. Ц.Дамдинсүрэн гуайн 1960-аад онд бүтээсэн Монгол-Орос толь бичигт Монголын түүхийн 1000 жилийн хуанли хавсаргасан боловч түүнийг хураан авч устгасан байдаг. Тэр түүхийг урагшлуулан баяжуулбал Монгол газар нутаг дээр хүн анх бий болсон цагаас хойших түүхийг бүтээж болно.

Ингээд ахмадууд та бүхэн сар шинэдээ сайхан шинэлээрэй" гэв.

ЭХ СУРВАЛЖ: PRESIDENT.MN

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.